बजरंग बाण || Bajrang Baan Lyrics in Hindi

निश्चय प्रेम प्रतीति ते, बिनय करैं सनमान
तेहि के कारज सकल शुभ, सिद्ध करैं हनुमान

Nishchay prem pratiti te, binay karain sanman
Tehi ke karaj sakal shubh, siddh karain hanuman

जय हनुमंत संत हितकार, सुन लीजै प्रभु अरज हमारी
जन के काज बिलंब न कीजै, आतुर दौरि महा सुख दीजै

Jay hanumant sant hitkar, sun lijai prabhu araj hamari
Jan ke kaj bilamb n kijai, atur dauri maha sukh dijai

जैसे कूदि सिंधु महिपारा, सुरसा बदन पैठि बिस्तारा
आगे जाय लंकिनी रोका, मारेहु लात गई सुरलोका
जाय बिभीषन को सुख दीन्हा, सीता निरखि परमपद लीन्हा
बाग उजारि सिंधु महँ बोरा, अति आतुर जमकातर तोरा

Jaise kudi sindhu mahipara, sursa badan paithi bistara
Age jay lankini roka, marehu lat gai surloka
Jay bibhishan ko sukh dinha, sita nirakhi parmapad linha
Bag ujari sindhu mahan bora, ati atur jamkatar tora

अक्षय कुमार मारि संहारा, लूम लपेटि लंक को जारा
लाह समान लंक जरि गई, जय-जय धुनि सुरपुर नभ भई
अब बिलंब केहि कारन स्वामी, कृपा करहु उर अंतरयामी
जय-जय लखन प्रान के दाता, आतुर ह्वै दुख करहु निपाता

Akshay kumar mari sanhara, lum lapeti lank ko jara
Lah saman lank jari gai, jay-jay dhuni surpur nabh bhai
Ab bilamb kehi karan svami, kripa karhu ur antrayami
Jay-jay lakhan pran ke data, atur hvai dukh karhu nipata

जय हनुमान जयति बल-सागर, सुर-समूह-समरथ भट-नागर
ॐ हनु-हनु-हनु हनुमंत हठीले, बैरिहि मारु बज्र की कीले
ॐ ह्नीं ह्नीं ह्नीं हनुमंत कपीसा, ॐ हुं हुं हुं हनु अरि उर सीसा
जय अंजनि कुमार बलवंता, शंकरसुवन बीर हनुमंता

Jay hanuman jayti bal-sagar, sur-samuh-samrath bhat-nagar
Om hanu-hanu-hanu hanumant hathile, bairihi maru bajr ki kile
Om hnin hnin hnin hanumant kapisa, om hun hun hun hanu ari ur sisa
Jay anjni kumar balvanta, shankrasuvan bir hanumanta

बदन कराल काल-कुल-घालक, राम सहाय सदा प्रतिपालक
भूत, प्रेत, पिसाच निसाच, र अगिन बेताल काल मारी मर
इन्हें मारु, तोहि सपथ राम की, राखु नाथ मरजाद नाम की
सत्य होहु हरि सपथ पाइ कै, राम दूत धरु मारु धाइ कै

Badan karal kal-kul-ghalak, ram sahay sada pratipalak
Bhut, pret, pisach nisach, r agin betal kal mari mar
Inhen maru, tohi sapath ram ki, rakhu nath marjad nam ki
Saty hohu hari sapath pai kai, ram dut dharu maru dhai kai

जय-जय-जय हनुमंत अगाधा, दुख पावत जन केहि अपराधा
पूजा जप तप नेम अचारा, नहिं जानत कछु दास तुम्हारा
बन उपबन मग गिरि गृह माहीं, तुम्हरे बल हौं डरपत नाहीं
जनकसुता हरि दास कहावौ, ताकी सपथ बिलंब न लावौ

Jay-jay-jay hanumant agadha, dukh pavat jan kehi apradha
Puja jap tap nem achara, nahin janat kachhu das tumhara
Ban upban mag giri grih mahin, tumhare bal haun darpat nahin
Jankasuta hari das kahavau, taki sapath bilamb n lavau

जै जै जै धुनि होत अकासा, सुमिरत होय दुसह दुख नासा
चरन पकरि, कर जोरि मनावौं, यहि औसर अब केहि गोहरावौं
उठु, उठु, चलु, तोहि राम दुहाई, पायँ परौं, कर जोरि मनाई
ॐ चं चं चं चं चपल चलंता, ॐ हनु हनु हनु हनु हनुमंता

Jai jai jai dhuni hot akasa, sumirat hoy dusah dukh nasa
Charan pakri, kar jori manavaun, yahi ausar ab kehi gohravaun
Uthu, uthu, chalu, tohi ram duhai, payan paraun, kar jori manai
Om chan chan chan chan chapal chalanta, om hanu hanu hanu hanu hanumanta

ॐ हं हं हाँक देत कपि चंचल, ॐ सं सं सहमि पराने खल-दल
अपने जन को तुरत उबारौ, सुमिरत होय आनंद हमारौ
यह बजरंग-बाण जेहि मारै, ताहि कहौ फिरि कवन उबारै
पाठ करै बजरंग-बाण की, हनुमत रक्षा करै प्रान की

Om han han hank det kapi chanchal, om san san sahmi parane khal-dal
Apne jan ko turat ubarau, sumirat hoy anand hamarau
Yah bajrang-ban jehi marai, tahi kahau phiri kavan ubarai
Path karai bajrang-ban ki, hanumat raksha karai pran ki

यह बजरंग बाण जो जापैं, तासों भूत-प्रेत सब कापैं
धूप देय जो जपै हमेसा, ताके तन नहिं रहै कलेसा
ताके तन नहिं रहै कलेसा
उर प्रतीति दृढ़, सरन ह्वै, पाठ करै धरि ध्यान
बाधा सब हर, करैं सब काम सफल हनुमान

Yah bajrang ban jo japain, tason bhut-pret sab kapain
Dhup dey jo japai hamesa, take tan nahin rahai kalesa
Take tan nahin rahai kalesa
Ur pratiti dridh, saran hvai, path karai dhari dhyan
Badha sab har, karain sab kam saphal hanuman